 |
| Cartel do V Trail |
A flamante alianza das organizacións deportiva e veciñal, froito dun convenio asinado en decembro, trouxo bastantes cambios a unha proba que xa se tiña gañado un ben merecido nome no circuito do trail galego. Cambiamos moitas cousas, algunhas que esperamos que non notedes, e outras que esperamos que si.
Percorrido ampliado e mellorado
A primeira serie de cambios son de percorrido. A saída e a meta volverán á estar na praza da Solaina, en pleno corazón do Pindo antigo. Queremos que vexades moito máis Monte Pindo polo percorrido será duns 23,5km. E non vos preocupedes, seguiredes tendo pendentes de ata un 30% e as esixentes baixadas que vos retaron en edicións anteriores. Pisaredes moitísimo menos asfalto, xa que supoñemos que non vides a Carnota a esquivar coches. Tamén procuramos que pasedes por cerca de monumentos naturais e accidentes xeográficos que vos deixarán pampos (agardamos que os segundiños que vos fagan perder non empeoren demasiado os vosos tempos). Introducimos algúns retoques no percorrido que nos axudarán a percorrer máis camiños tradicionais á vez que evitamos a monotonía e a rutina de quen xa teña participado. Ademais, e isto é importante, queremos que o Trail nos sirva para recuperar os camiños tradicionais que estan quedando abandonados, e non hai nada mellor para eso que dalos a coñecer e percorrelos.Melloras loxísticas
A segunda serie de cambios será no aspecto loxístico e técnico. Melloramos algúns aspectos da organización que esperamos que non notedes salvo para ben. As instalacións dos postos de control e de avituallamento estarán mellor dotados e interconectados mediante radioemisoras, pois queremos saber en todo o momento que aló arriba todo está ben. Tamén imos promocionalo moito máis que ata agora, pois xa que o Olimpo Celta acolle o Trail máis duro de Galicia, que menos que a xente o saiba. Tamén queremos que a xente da zona se implique máis, pois unha proba deportiva de alto nivel no noso Concello benefícia a todo o mundo.Máis beneficios para todos
En terceiro lugar e non menos importante, queremos ampliar a experiencia dos participantes, que ata agora chegaban, corrían e marchaban. Este ano e por primeira vez a organización negociou cos aloxamentos da zona un prezo exclusivo de 25 euros por habitación e noite para os participantes do V Trail Monte Pindo, para asi lograr que permanezan un día máis no Concello a disfrutar das praias, o patrimonio, a gastronomía ou simplemente tomar algo na zona sen os apuros do día da proba. Con isto pretendemos que o Trail Monte Pindo beneficie máis aínda a todo o pobo que traballa cada ano para ter unha paisaxe tan bonita e coidada.Non hai excusas para non enfrontar o reto que nos agarda no Monte Pindo este sábado 13 de xuño con saída prevista ás 17:30h. As inscricións xa están abertas, e centos de deportistas están xa a prepararse en toda Galicia para tratar de atravesar a meta da Solaina pulverizando as súas marcas personais, e quen sabe se tamén as colectivas. Pois diso mesmo, de superarse a un mesmo nun entorno natural incomparable e nun ambiente fraternal, vai o Trail Monte Pindo que vos presentamos hoxe aqui e na flamante web trail.montepindo.gal.
V Trail Monte Pindo: O Trail máis duro de Galicia. Prepárate!
Seguimos traballando
Este sábado 30 de maio, a partir das 10:00h na Igrexa do Pindo, o voluntariado polo Monte Pindo terá unha nova cita para seguir coa limpeza do camiño tradicional O Pindo-Quilmas no que xa operamos en datas recentes, para concluír uns 350m restantes co gallo de estrealo precisamente mediante a súa incorporación ao percorrido do V Trail Monte Pindo.Agardamos poder contar coa túa axuda!